Беларусь г. Мінск, вул. Смаленская, 15, 8 паверх
Інфармацыя ўпраўлення кантролю на платных дарогах
Аб праездзе транспартных сродкаў па платных аўтамабільных дарогах Рэспублікі Беларусь у перыяд правядзення II Еўрапейскіх гульняў у 2019 годзе
У адпаведнасці з падпунктам 2.12 пункта 2 Указа Прэзідэнта Рэспублікі Беларусь ад 24.07.2018 г. № 292 "Аб мерах па падрыхтоўцы і правядзенні II Еўрапейскіх гульняў 2019 года", з 10 чэрвеня па 10 ліпеня 2019 г. вызваляюцца ад платы за праезд па платных аўтамабільных дарогах Рэспублікі Беларусь карыстальнікі платнай аўтамабільнай дарогі, якія выкарыстоўваюць транспартныя сродкі з тэхнічна дапушчальнай агульнай масай не больш за 3,5 тоны і прычэпы, якія буксіруюцца імі.
Карыстанне платнай аўтамабільнай дарогай у дадзены перыяд для названай катэгорыі транспартных сродкаў ажыццяўляецца без заключэння дагавора карыстання платнай аўтамабільнай дарогай, рэгістрацыі транспартнага сродку ў сістэме BelToll і ўстаноўкі на транспартны сродак прылады электроннай аплаты.